Klevis Balliu takime intensive me fermerët: Republika e Re, alternativa e vetme për ju.

Klevis Balliu takime intensive me fermerët: Republika e Re, alternativa e vetme për ju

Kandidati për deputet i Partisë Demokratike në Pogradec, Klevis Balliu, vijon turin e takimeve intensive me qytetarët dhe banorët e fshatrave të Pogradecit.

Ndalesat e radhës ishin fshatrat Beragozhd, Stropckë dhe Zërvaskë. Banorët ndanë me kandidatin Balliu shqetësimin për investimet e munguara në zonë dhe thanë se ndihen të fyer dhe injoruar nga qeveria Rama. Në të tria këto fshatra, banorët kërkuan që Pogradeci të jetë një prefekturë më vete, sepse për një shërbim të thjeshtë janë të detyruar të shkojnë në Korçë.

Një tjetër shqetësim i tyre janë faturat e larta të energjisë që i kanë detyruar banorët të hyjnë në borxhe dhe që po i presin bukën e gojës.

Papunësia është e lartë sidomos në radhët e të rinjve. Fermerët kërkuan punishte për prodhimet e tyre sepse po shiten me çmime shumë të ulëta ose hidhen në kosh si dhe subvencionime. Kandidati Klevis Balliu theksoi se në fjalimin e tij të parë në Kuvend do të kërkojë që Pogradeci të jetë Prefekturë më vete.

Në vazhdën e bashkëbisedimeve me banorët, Balliu nënvizoi se Republika e Re do të ofrojë zgjidhjen me uljen e çmimit të naftës për fermerët, do t’i mbështesë me subvencione dhe për familjet në nevojë,energjia elektrike deri në 300 kw do të paguhet nga shteti.

Më herët, Klevis Balliu zhvilloi një tur takimesh në fshatrat Rrodokal, Homezh dhe Golik të zonës së Mokrës për të diskutuar mbi problematikat dhe vështirësitë që përballen banorët e zonës. Në takimin me banorët e këtyre fshatrave, Balliu e konsideroi të trishtueshme mungesën e ujit të pijshëm dhe të infrastrukturës rrugore. Balliu theksoi se kjo keq-qeverisje e ka bërë mesjetare jetën e këtyre banorëve. Përgjatë këtyre takimeve, kandidati i djathtë u mirëprit në disa nga shtëpitë e banorëve. Kanatat e vjetruara, muret e rrudhosura nga krisjet dhe çatitë e rrënuara të shtëpive flisnin po aq sa vetë banorët për gjendjen e mjerueshme që ka mbërthyer këtë zonë.

“Qartazi, kjo keqqeverisje socialiste ka future duart tek xhepat dhe shporta ushqimore e pogradecarëve”, theksoi Balliu.Një tjetër ndalesë e Klevis Balliu ishte fshati Vërdovë i njësisë administrative Buçimas, ku u takua me banorët e kësaj zone për t’u njohur me problemet e tyre. Ai i mirëpriti sugjerimet e banorëve për mënyrën sesi mund të punohet së bashku me qytetarët për një Pogradec me ekonomi të fortë e të nesërme të sigurt. “Taksimi progresiv i qeverisë rilindase i ka rritur taksat në 1.5 mld USD në fund të katër viteve; çdo fëmijë sapo lind, të rinjtë, pensionistët dhe çdo shqiptar paguan 500 USD më shumë taksa. Bizneset paguajë 50% më shumë taksa!”, theksoi Balliu./360grade.al/

Advertisements

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s