Kontrolli mbi fukarallëkun quhet rimëkëmbje e ekonomisë.

Një nga kritikat që i adresohen qeverisë është se nuk ka bërë asnjë bilanc të politikave ekonomike dhe se i ikën këtij diskutimi me vetëdije të plotë. U desh shpërbërja e koalicionit që në publik të dalin shifra dhe bilance të pjesshme mbi situatën ekonomike të vendit. Shifrat janë dhe këto i di shumë mirë kryeministri, ministri i Financave por edhe kryetari i Kuvendit Ilir Meta. Ndonëse pjesën më të madhe në diskutimet publike e zënë intrigat politike shkarazi përmenden edhe shifra që tregojnë se realiteti nuk është ai që na përcillet për një rimëkëmbje të Ekonomisë. Ilir Meta zbuloi në intervistën për Opinion të dhëna lidhur me borxhin publik dhe investimet e huaja.
“Një fakt do t’ju them, është shtuar borxhi me një miliardë euro në katër vet dhe rritja ekonomike e akumuluar është 900 milionë euro, që do të thotë që për një euro borxh rritja ekonomike është 0.9 euro. Pse? Sepse ka qenë vizioni i munguar i Kryeministrit, por vizioni ende i një kryetari bashkie që merr borxh dhe harxhon energjitë më të mëdha dhe buxhetin më të madh për lulishte pr fasada për palma, për kullën e Korçës”- theksoi Meta duke shtuar se investimet e huaja direkte do të ishin në nivelin më të ulët historik nëse nuk do të llogariteshin projekti Tap dhe Hidropoëer Devolli, që konsiderohen investime të tërhequra nga qeveria e kaluar. Sipas Metës pa këto investime shifra e investimeve të huaja direkte nuk do t’i kalonte të 400 mln eurot. Vetë kryeministri është shprehur se me ekonominë do merret këto katër vjet dhe se nga pikëpamja e tij borxhi publik është ulur në 69%. Por ne nuk dimë sa është informaliteti në ekonomi, sa e gjeti dhe sa e ka qeveria aktuale, ministri i Financave të së cilës nuk bëri asnjë analizë serioze të situatës ekonomike dhe përgjegjësive të qeverisë në këtë drejtim.

Advertisements

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s